Am Summer huet d’Gemeng Schëtter nees op d’Aktioun „Gielt Band“ opmierksam gemaach.
Op verschiddene Plazen uechter d’Gemeng konnt gratis Uebst vun de Beem gepléckt ginn, déi mat engem giele Band markéiert waren. Zur Verfügung stoungen 10 Beem an der Schlassgewan (Rue Principale & Rue d’Oetrange) souwéi 3 Beem am Bongert nieft dem Kierchepad.
Mat dëser Initiativ wollt d’Gemeng net nëmme géint Gaspillage virgoen, mee och d’Awunner motivéieren, regional a saisonal Friichte fir Kompott, Gebeess, Taarten oder frësche Jus ze benotzen.
D’Resonanz war positiv a mir hoffen, dass och an Zukunft nees vill Leit vun dëser Aktioun Gebrauch maache wäerten.
