Den 28. September 2022 huet de Gemengerot d’Schëtter Leitbild 2030 am Beräich vun der Nohaltegkeet ugeholl. D’Leitbild ass entstanen an engem participative Prozess mat verschiddene Workshoppe wou d’Leit hier Ideeë konnten erabréngen.
D’Zil vun deem Leitbild ass eng laangfristeg Ausriichtung a qualitativ a quantitativ Ziler am Beräich vun der nohalteger Entwécklung festzeleeën. Déi verschidden Themen am Leitbild sinn:
- Gesondheet
- Mobilitéit
- Energie
- Waasser
- Ressourcen
- Upassung un de Klimawandel
- Prozess
D’Gemeng seet all de Leit déi matgemaach hunn Merci fir hiert Engagement an hofft op eng weider flott Zesummenaarbecht am Sënn vun der Nohaltegkeet fir hiren Engagementer déi si op nationalem Niveau agaangen ass gerecht ze ginn.
