De 25. Oktober 2019 ass zu Schëtter bei der Gemengeverwaltung den neien ökologesche Parking ageweit ginn.
Dëse Parking huet eng Capacitéit vu 64 Parkplazen. Et sinn och 3 Parkplaze fir handicapéiert Leit amenagéiert ginn. De Parking ass mat gréisst méiglechem Asaz vu waasserduerchlässegen an natierleche Materialie gebaut ginn. Bei der Beliichtung ass op d’LED-Technik gesat ginn an et ass op eng méiglechst geréng Liichtverschmotzung opgepasst ginn.
Dëse Parking gëtt haaptsächlech bei grousse Manifestatiounen am Duerfkär genotzt.
copyright Foto: Fotoclub Schëtter