D’ Gemengeverwaltung wëll konsequent Offall vermeiden, weiderverwenden a wann näischt méi méiglech ass recycléieren. Der “Economie circulaire” gëtt dobäi Rechnung gedroen. Dofir huet all Mataarbechter vun der Gemengeverwaltung ee Guide kritt fir ze weise wéi dat konkret a richteg kann ëmgesat ginn.
Nei Poubelle sinn installéiert ginn, an et ass och eng Recyclingzentral am Verwaltungsgebai aménagéiert ginn, wou d’ Stoffer propper a richteg kënne getrennt ginn. De Responsabele vun der Offallgestioun ka fir all Fro kontaktéiert ginn.
Domat droe mir als Gemeng net nëmmen dozou bäi manner Offall ze produzéieren a besser ze recycléieren, mee och manner CO2 auszestoussen, manner Transport ze generéieren a manner Ressourcen ze verbrauchen.