D’Gemeng Schëtter huet nei Subside fir privat Elektrobornen a Vëloen agefouert fir eng méi nohalteg Mobilitéit vun eisen Awunner ze ënnerstëtzen.

Dëst Reglement wat op d’Verweiung vum Offall baséiert, ass e weidere wichtege Schrëtt a Richtung Null-Reschtoffall. Mat den neien Taxe sollen all déi belount ginn déi mat op de Wee vun der Vermeidung, dem Weidernotzen an dem Recycling ginn.

D'Gemeng Schëtter setzt sech fir eng regional Produktioun vu Liewensmëttelen an. De Kanner gi reegelméisseg Platen mat garantéiert héichwäertege Produiten aus eiser Regioun ugebueden a gekennzeechent. Si ginn esou fir déi regional Produite sensibiliséiert.

Am Gemengerot vum 15. Juli 2020 huet de Schäfferot vu Schëtter seng Virstellungen zu Klimaziler op Gemengenniveau fir 2030 virgestallt. Dës Ziler ginn am Kader vun der Preparatioun vum Schëtter Klimapaktaktiounsplang a verschiddene Workshoppen diskutéiert, eventuell ugepasst an duerno am Gemengerot decidéiert. D’Ziler sinn aus insgesamt knapps iwwer 100 Indicateuren erausgesicht ginn.

An sengem Fuerpark sinn aktuell 7 100%-Elektrogefierer (3 Autoen, 1 Camionnette, 1 klénge Camion, 2 Vëloen). D’Gemeng huet och eng Broschür iwwert d’Elektromobilitéit erausgi mat interessanten Informatiounen...

Am Juli sinn d’Mataarbechter vun der Gemeng an enger Presentatioun iwwert d’Ambitioune vun der Gemeng zum nohaltegen Akaf a Präsenz vum Schäfferot informéiert ginn. D’Zil war den nohaltegen Akaf vun de Gemengeservicer ze organiséieren an d’Virdeeler ze erklären.

Als Ofschloss vun der europäescher Mobilitéitswoch huet de Schäfferot vun der Gemeng Schëtter op ee Seminaire iwwert d’Elektromobilitéit op Minsbech invitéiert. Mat iwwer 50 Participante war de Sall gutt gefëllt. A senger Introduktioun ass de Buergermeeschter vun der Gemeng Schëtter Jean-Paul Jost op d’Mesure vun der Gemeng déi an de leschte Joren an deem Beräich ëmgesat gi sinn agaangen.

Ufank September ass déi al Flutliichtanlag, fir déi et keng Ersatzdeeler méi gi sinn, um Futtballsterrain zu Minsbech duerch eng nei LED-Flutliichtanlag ersat ginn. Duerch dës Mesure gëtt den Terrain méi hell a gläichméisseg beliicht, an an engems de Stroumverbrauch an d’Liichtverschmotzung an der Ëmgéigend reduzéiert.

Eng néi Chargy-Borne ass an eiser Gemeng a Betrib geholl ginn. Si steet hannert der aler Schoul bei der Minsber Gare.  

Den Atelier vun der Gemeng huet insgesamt 4 nei Poubellen, 6 nei Bänken, 4 Picknicksdëscher mat Bänken aus lokalem Holz vum “Centre forestier Senningerberg”, deen sech och em d’ Schëtter Bëscher këmmert, hiergestallt